كفايا يادنيا
بنزق الدنيا
ومش ماشية
وهمومها كتير
ونصبر روحنا
على جروحنا
ونقول هتسير
بنقابل فيها
وقلوب مش خير
دنيا ومسارحها
كتير ياما
نطلع من جرح
على التاني
على جرح خطير
ويافرحة لسه
مخصماني يكفي التأخير
مستني تجيني
وتصالحيني
محتاج تغيير
دا القلب اتشال
فيه هموم ياما
وبشكل مرير
ماكفايا همومك
سجناني وحان التحرير
دا العمر خلاص
قرب يخلص
مافاضلش كتير
والصبر خلاص
اشتكى مني
وقدم تقرير
إن المذكور زاد
على صبري
وبشكل خطير
ويارب تفرج
بقى كربي
وترزقني الخير
وسعادة تنور
بيها دربي
وبرزق وفير
واهرب من
سجن هموم دهري
على فرح كبير
فرح ينسيني
اللي حصل لي
ودي بشرة خير
بقلم الشاعر فهمى محمود حجازي
