قلب الأب
إنت عارف يابني
لو فتحت قلبي
فين هتلاقيك
جوه قلبي معلي نبضي
وبعمري أفتديك
لو هتفهم إحساسي بيك
و إزاي ببيع حياتي
كنت هتشيلني ف عنيك
كنت تتمنى إن أكون
العمر جنبك أحتويك
لوحسيت معنى أب
عاش يحب ويعطي ليك
وإن أبوك عاش
يعطي حب كان
محتاج إليه وعطاه إليك
كان محتاج لحضن أب
مات عشان بلده تراعيك
كنت دايماً واخدك
ف حضني
وأقول ياابني
الحضن ده ملك ليك
وأنا اتحرمت تملي منه
علشان كده عوضته فيك
كنت دايماً ببكي عشانه
وأقوله ياآبا
مشتاق إليك
ومحتاجة إيدي
للمسة إيديك
تحضن في إيدي
ويلمس وريدك
ملمس وريدي
وتدفي دمي
بلمسة حنينك
وضحكة عينيك
كنت دايماً
بحلم به راجع
رغم موته
ورغم إن الحلم فيك
بس كل حلمي عوضته
بنظرة عينيك
وكنت أخاف
لا العمر يجري
ولا أموت ما أتهنى بيك
ولا لحظة تنسى حضني
اللي جواه يفتديك
كنت خايف ياابن عمري
لتلقى قدري
وماتلقى أب يحتويك
يبقى حضنك برد قارس
وحزن دايم ماينتهيش
تبقى ماشي بين حبايبك
شمعة قايدة
وحزن قلبك مابينطفيش
تبقى راسم أحلى بسمة
فوق شفايفك
وجوه قلبك ماتلاقيش
زي طير فى وسط مطره
بردان وجسمه
مافهش ريش
كنت بتغطى ببسمة
لجل وسط
طفولتي أعيش
ولجل أفرح الأحبة
زي صيني
ف وسط نيش
منظر وزينة
وشكل يفرح
وإن خرج
م النيش مافيش
ينكسر وسط الحجاره
والحجارة قلوب
سوادها ماينتهيش
والنيش ياابني
كان عمري
اللي زوقته ببسمة
لجل وسط
ضعفي اعيش
لأني من غير أبويا
زي اللي متكفن في قبر
والكفن كان كله خيش
بقلم الشاعر/ فهمي محمود حجازي
