في عالم الألوان
في عالم الألوان
ضاعت ليالي زمان
وحضن كان بيجمعنا
كأنه حِصن أمان
ضاعت ليالي الحب
والعطف والإحسان
واتبدلت ليالينا
بكتير من الألوان
ألوان ماكانت فينا
وأساسنا كان بيبان
صافي مافهوش رتوش
أبيض كما الوجدان
دلوقتي غشوا الوشوش
وزوقوها كمان
لجل تدري العيوب
بخدعة أو بدهان
يازمن الصفا فينك
عايشين
ماعدش أمان
ارجع معانا بطيفك
نرجع اللي كان
رجع قلوبنا البيضا
ووشوش لها عنوان
لا اتلونت بالخيبة
ولا مكر ولا بهتان
رجع ليالي الطيبة
أجمل ليالي زمان
بقلم الشاعر/ فهمي محمود حجازي
