عقوق ونكران
والله حرام
الأم تربي وتدادي
وتلاقي نكران
والأب بيتعب
ويجبلك أشكال وألوان
يحرم بقى نفسه
من الهدمة
وم اللقمة كمان
علشان مايعلم ويربي
ويداوي عيان
والله الأب
والأم ينبوع لحنان
وانتوا بقسوتكم بتردوا
بقسوة وهجران
الإبن يعوق أمه وأبوه
ويعذب فيهم الوجدان
والبنت تغير في سلوكها
وتعصي الديان
وتسيب
بقى بيتها وعزوتها
وتهرب مع
والله الدنيا
ماهيش دايمة
وهتعودلك نفس الأيام
وتقولي ده ذنب
اللي عملته
في أبويا زمان
خليت الكل بيتحاكى
عنه وعن أمي
دانا مش إنسان
خليتهم شالوا
العار بدري
بقى د اسمه كلام
ماتفوقوا
وارجعوا بقى لضميركم
خليتوا أبوكم يتهان
والأم بتتوجع منكم
وعيونها
مش عارفه تنام
قلبها مفطور وبيتقطع
مليان أحزان
عمال من جوه بتتوجع
لابينفع دوا ولا برشام
لاهي عارفة تدعي
على ضناها
ولاعارفة تدواي الخزلان
لو يوم حسيتوا بأهاليكم
كان فاتكوا
عرفتوا الإحسان
ولايوم رديتوا الحنيه
قسوة وبهتان
بقلم الشاعر/ فهمي محمود حجازي
