حوار خاص مع الرسامة كرستين روماني فى جريدة مصر اليوم
حوار : نهى شاهين
حوار خاص مع الرسامة كرستين روماني فى جريدة مصر اليوم
لكل شيء بداية والوصول الى النجاح أول الطريق لتحقيق حلمك ، فعشق وحب الفن هو بوابه النجاح لاي شخص، كثير من الاشخاص نجحوا ووصلوا للعالمية لمجرد الايمان والاتقان بحلمهم ، دون النظر الى الصعوبات التي تمارس ضدهم معانا اليوم الرسامة كرستين.
كرستين روماني حكيم ،من محافظة أسوان ، أبلغ من العمر 25 عاما، دخلت دبلوم فني صناعي، قسم زخرفة ولكن لم يحلفني الحظ وتركت الدراسة، واتجوزت.
متى بدأت الرسم ؟
من صغري وأنا بحب الرسم جدآ، والتلوين وكنت متميزه فيهم.
من شجعك على دخول المجال الفني؟
بدأت من نفسي ، بعدين كذا شخص من العائلة والأصدقاء، لما راو أول رسمه ليا بعد انقطاع سنيين، بدوا يشجعوني، واستمريت ف الرسم.
ما هى أول رسوماتك؟
منذ الطفولة، لغايه سن ال 18 ، كنت برسم مش بأستمرار وكان اخري كرتون، وورود ، وفراشات وكده.
هل واجهت معوقات فى بداية مشوراك الفني؟
طول الوقت عندي صعوبات ، من صغري متوفرلي أي أدوات
وحاليا عندي طفلين ، بواجه صعوبه اني الاقي وقت ارسم فيه.
ما هى أفضل لوحه رسمتها ولها إثر فى حياتك ؟
أفضل لوحه هي آخر لوحه رسمتها يتتكلم عن الراجل النرجسي، والسيطرة ، والتحكم وبتعبر عن حاله الست اللي بتبقى عايشه ف حاجة زي كده.
هل تطورت موهبتك عن طريق الكورسات ام تعليم ذاتي؟
تعليم ذاتي أكثر حاجة خلتني أتطور، اني بسمع فديوهات رسم كتير، بستمتع بالفديوهات دي جدا.
ما هى أهم المواضيع التى تفضل تجسيدها فى لوحاتك ؟
بحب المواضيع الدينية، والحزينة.
متى يأتيك إلهام الرسم ؟
الوقت اللي برسم فيه مش أنا اللي بحدده ، لما اولادي يكونوا نايمين ده أكتر وقت بفضل ارسم فيه.
هل فكرتي ببيع لوحاتك كنوع من الترويج لها والكسب من ورائها ؟
لا ، لكن شغاله بورتريهات وبكسب منها.
هل تتلقين عدد من طلبات عبر مواقع التواصل من الناس لرسم لوحات معنية ؟
كتير بيطلبوا مني بورتريهات ليهم.
هل هناك شخصيات إجتماعية من مسؤولين أو فنانين معروفين اثنوا على رسمك وتواصلوا معك؟
لا لانه أغلب الممثلين اللي رسمتهم متوفيين.
هل عندك مواهب أخرى غير الرسم ؟
بحب الاعمال اليدوية ، سوا بالكرتون أو الورق أو الخرز، وحاجات زي كده.
ماذا تقولي لمن يريد الانضمام لهذا المجال؟
أحب أقول لكل اللي حب ينضم للمجال ده، يحطو هدف ويحاولوا يوصلوا ، وأهم حاجة الاستمرار لان الاستمرار بجد أكتر حاجة هتخليك تحقق أكثر من أحلامك، وأهم نقطة بلاش تقارن رسوماتك برسومات حد تاني، وخد بهدوء أي كلمه سلبية ومتركزش غير على الكلام الإيجابي
وبأذن ربنا هتحقق كل أحلامك، وف النهايه ميرسي ليكي ولمحبتك وتعبك.
