المربعات،، كلمات علي صابر
بنيت بيوت الود
ورميت بذور الأدب
هديته في فرحي هد
وزودته في ناري الحطب
…………..
بدأت أوزن زين أعمال أفعالي
ونويت في طبعي أغير المسار
واللي اشتراني اشتريته بالغالي
واللي باعني يحرم عليه الدار
………..
صبر الناس مهما يكون صبر
ما يجيش في صبري جنبي
الناس همهم في الشعر شطر
وأنا الدموع على الخد ما تكفيه
…………….
آه من صرخة الموجوع
آه يا عالم لئيمة ذميمة
شهدها الأيام والدموع
على أن المحبة فيكم عديمة
…………………
الأصل طبع في الدم وراثة
والأصيل من كاس أبوه شارب
والأدب مش عايز مدرس ودراسة
وقليل الحيا طالع لأبوه عايب
………………..
خلي بالك حوارات حواديت الناس
لما في يوم يتركوك لما يقل مالك
يجيب في سيرتك اللي ماله أساس
وكان من يومين من بقية خدامك
………………..
بلاش لت الكدب في المخاليق
دي الناس في الصلح قايمة ناوية
يا تقول كلام في الصالح يبل الريق
يا ما تصحيش الفتنة وخليها نايمة
……………….
السكة لو مفروشة تيجان الورد
فلابد من شوكة تتألم وتدوق
وإيه يمنع عنك قساوة البرد
لو حامي جسدك بتوب ممزوق
…………………
الطمع يعمي عيون يخليك ضل
وخلي حسابك من أحبابك ممدود
وغير كل يوم وما تبقاش لا تنشل
واعرِف مين فاتك ومين موجود
…………………
ناديت عليهم وفكري شت
وجريت وراهم ومديت مد
فاتوني وحيد ولا عمري خدت
رغم شيلي عنهم وما سبت حد
……………………..
يا عم واخد جنب مالك مهموم حزين
وخدت قلمك مكاوي مش مستقيم
ما تفكرش كتير دي أيام بتعد سنين
واحمد ربك على اللي باقي سليم
………………..
طلع همومك وحزنك في البُكا
واملا صفحاتك لوم وقرصة عتاب
أصلاً لمين قلبك راح واشتكى
ده اللي فاكرهم ليك قافلين الباب
………………
يا واخدة حياتي ورث
حبيتك حب عهد متين
شغلتي عيوني عن الإرث
ودبت بغرامك والحنين
………………
راح فين الأدب والاحترام
والواد مايل وطبعه فلات
فين الناس اللي قولها مقام
والله راح الأدب وقته مات
………………
يا اللي صوتك عالي شارخ
عمره ما كان في الحق ليه
حتى أقول لك دايماً بايخ
وعامل عمدة وابن بيه
……………
ما تبيعش في أصيل شاري
وامسك فيه بإيديك ودافع
التمر الجميل في النخل العالي
والقرب منه كله خير ومنافع
