الأصيل دايمًا ثابت
جريدة الأسبوع العربي الإخبارية
بقلم: إيهاب نجاح جنديه
في زمن كل حاجة فيه بتتقلب بسرعة، ولّاحد يقدر يثق في كل الناس، الأصيل دايمًا ثابت. مهما حاولت الرياح تغيّر الناس، أو الزمن يغيّر المواقف، هتلاقي الشخص الأصيل واقف على مبادئه، ثابت على كلامه، وضميره نضيف.
الأصيل مش اللي بيضحكلك عشان مصلحته، ومش اللي يبيعك بكلمة واحدة. الأصيل اللي يعرف قيمته وقيمة الناس حواليه، وبيعرف الفرق بين الصح والغلط. حتى لو الدنيا ضده، هتلاقيه مش بيتنازل عن الأصل ولا بيتغير.
والأصيل مش بس شخصية، ده موقف حياة. من يقدر يحافظ على أصله، ويحترم الناس، يبقى دايمًا محط ثقة ومحبة. والعكس صحيح، اللي يبيع أصله ويغش في الناس، مهما طال الزمن، هيتكشف ووقته هييجي.
في النهاية، الزمن بيكشف الصح من الغلط، وبيفرّق بين اللي واقف بثبات وبين اللي بيتلاعب بالناس. لذلك، خليك أصيل، خليك ثابت، وضميرك دايمًا نظيف، لأن الأصيل دايمًا ثابت، وده اللي يستاهل الاحترام والثقة.
