أجيب لك إيه
بقلم / مايسة إمام
أجيب لك إيه
أجيبلك إيه؟
رايح مشوار العصرية
محتاجة إيه ؟
سرحت عيني وانا بتأني
ومن غير ليه
قلت ياغالي :
هاتلي معاك حبة نوم
من غير فكر وتل هموم
و مخدة أحلام وردية
تحضن راسي كل شوية
هاتلي رطلين راحة بال
منخولة بـ 100 غربال
هاتلي رفيق درب مخنش
عيشي وملحي ومبيحدش
ولو تعرف تلاقيلي قلب
مسودش مـ الحزن وطب
وإن صادفك بياع الصبر
قوله يجيني زاد الصبر
وهات لي معاك شروة أقفال
أقفل بها علي الأحمال
ومتنساش تاخد كيس همي
ترميه وتسيبه ولا تسمِّي
والفرحة بالله عليك كتر منها
طن ثلاثة أربعة لي عِينها
واملالي قٌفة ضحك
صافي بريحه المسك
نفسي رايحة لطعم الجبر
استكفيت من ذل الكسر
اقولك.. لجل متتعبش
ياغالي ولا تتلخبطش
اللي ناسُه خيِّبوا ظني
أجيب لك إيه
