بقلم/ د.لينا أحمد دبة
أحيانًا الحياة بتاخد مننا حاجات أو ناس ظننا إنهم جزء منّا، وده بيخلينا نحس بالحزن والفراغ. طبيعي إننا نتألم، لكن الحقيقة إن بعض الفقدان مش نهاية، بل بداية لشيء أفضل.
الحاجات اللي بتضيع مش دايمًا خسارة، أحيانًا هي مساحة جديدة لفرص، تجارب، وأشخاص يستحقوا وجودنا أكتر. لما نتصالح مع فكرة إن في حاجات لازم تروح، بنبدأ نفهم إن الحياة دايمًا بتفتح أبواب جديدة، وإن اللي مستنياك ممكن يكون أجمل وأنضف.
الفقدان بيعلمنا الصبر، ويخلينا نعيد ترتيب أولوياتنا ونقيّم مين وأيه اللي فعلًا مهم في حياتنا. بيخلينا نقدر نميز بين اللي بيضيف لقلبنا واللي بيستنزفه، وده شعور مهم جدًا للنمو الشخصي والسعادة.
في النهاية، كل تجربة خسارة بتخفي وراها درس، وكل باب بيتقفل بيعلّمنا نرحب باللي يستحق مكانه جنبنا. لو اتعلمنا نصالح مع الفقد، هنتفاجئ بالفرص الجديدة اللي هتدخل حياتنا وتخليها أحلى وأنضف، وتستحق صبرنا وانتظارنا.
