المقالي الاسبوعي
“إنما للصبر حدود”:
كتب محمد مجدي وحش المحامي
الصبر خُلق جميل، وربنا أمرنا به ووعد الصابرين بالخير والفضل العظيم. لكن الحقيقة إن الصبر مش معناه إننا نقبل الظلم أو الإهانة أو التقليل من قيمتنا طول العمر. لأن الإنسان له طاقة وحدود، وله قلب يشعر ويتألم، وله كرامة لا يجوز التفريط فيها.
“إنما للصبر حدود” يعني إننا ممكن نتحمّل من أجل المحبة أو الحفاظ على العلاقة أو تقديرًا للعيش والملح… لكن لما يتحوّل الصبر إلى وجع دائم، وإلى استهانة بمشاعرنا، لازم نقف وقفة مع النفس ونقول: كفاية.
مش ضعف لما نرفض الظلم، ومش قسوة لما نختار راحة نفسنا.
القسوة الحقيقية هي إننا نترك قلوبنا تنكسر مرة بعد مرة، تحت شعار الصبر.
اصبر… لكن: اصبر على الشدائد وربنا يعوضك
اصبر على النجاح طريقه طويل
لكن لا تصبر على من يستهين بك
ولا على من يحملك فوق طاقتك
ولا على حياة تخطف منك نفسك يومًا بعد يوم
لأن في النهاية…
الصبر خُلق كريم
لكن الكرامة أهم
وإنما للصبر حدود.
