قصيدة الخلاصة والآخر
كلمات ،،علي صابر
بلاش صِدّ في أي حوار،
وبلاش قَتل في الخواطر.
لو عايز النهاية فبلاش نار،
عشان محدش فينا قادر.
وإنتَ أفعالك واضحة زي النهار،
إنك جِبت الخلاصة والآخِر.
كفاية في العواطف إصرار،
وإنتَ عارفني بفهمها وشاطر.
الزمان على كل واحد بيندار،
ويعرف مين اللي في الشدة حاضر.
خبيت عني كَمّ أسرار،
وأنا اللي حبي ليكَ نادر.
سِبت فيَّ كتير أضرار،
وأنا اللي كنت بالصُلح بَبادِر.
عايز تسيب؟ سيب من غير حوار،
وإن كان على الجرح، ربك لَلَمُّه قادر.
وصَدقني أنا هَبني اللي انْهار،
وإنتَ من بعدي مش هيبقالك ساتر.
هتندم بحُرقة ومِرار،
ومش هتعرف تاني في العناد تكابِر.
ليلك مش هيبان له نهار،
وفي النهاية هتبقى خاسر.
