هل الولايات المتحده الامريكيه ستكون الجسر لعبور أزمة سد النهضه
بقلم محمد الحاوي
القمة مرتقبة هيعملها ترامب بين الرئيس عبدالفتاح السيسي ورئيس وزراء إثيوبيا آبي أحمد، لحل أزمة سد النهضة اللي بقالها سنين طويلة بدون أي حل.
الغريب إن مستشار ترامب لشؤون أفريقيا، مسعد بولس، خرج وقال الكلام اللي بيأكد حاجة مهمة: حل أزمة سد النهضة مش سياسي، ده تقني!
يعني الحوار هو الطريق الوحيد، والولايات المتحدة مستعدة تبذل جهدها عشان يتوصلوا لإطار تقني متفق عليه بين مصر وإثيوبيا.
بولس أشار كمان لإمكانية مبادرة أمريكية مباشرة تجمع الرئيسين السيسي وآبي أحمد لحل الأزمة سلمياً، خصوصًا إن ملف السد مهم واستراتيجي بالنسبة للولايات المتحدة.
ده كله جاي بعد بيان إثيوبي جديد قالوا فيه إنهم مش هيتراجعوا عن مشاريعهم على النيل، وإنهم مش معترفين باتفاقيات قديمة بخصوص المحاصصة، وإنهم مصرين على التنمية والاستفادة من مياه النيل.
من ناحيته، الرئيس السيسي شدد إن الإدارة الإثيوبية غير المنضبطة للسد تسببت بأضرار لمصر والسودان بسبب التدفقات المفاجئة اللي اتصرفوا فيها من غير أي إخطار أو تنسيق.
باختصار، الموقف واضح مصر عايزة حقها بالكامل، لكن إثيوبيا مصرّة على خطها، وأمريكا ممكن تكون الجسر اللي يوصل الطرفين لحل سلمي قبل ما الأزمة تكبر أكتر.
