“بقينا نخاف من الطيبين
بقلم محسن محمد
أيوه… بجد بقينا نخاف من الطيبين!بقينا نشك في اللي بيتعامل من قلبه، ونبعد عن اللي بيحب بصدق، ونهرب من اللي نيّته صافية كأننا بنهرب من مصيبةإحنا
مش قلوبنا ماتت، إحنا اتوجعنا كتير.كل مرة صدّقنا، اتخدعناكل مرة قولنا “المرادي غير”، لقينا نفسنا بندفع التمن لوحدنا.بقينا نخاف نحب، نخاف نشتاق، نخاف حتى نقول “أنا محتاجك”.بقينا نحط وشوش على وشوش، ونخبّي قلبنا تحت طبقات من التمثيل عشان ننجى من وجع تاني.واللي بيقول الحقيقة؟ بيتقال عليه “ساذج”.واللي بيتعامل بأصله؟ بيتقال عليه “مش
فاهم الدنيا”.واللي بيسامح؟ “ضعيف”يعني إيه؟ بقى لازم أكون قاسي عشان أعيشالناس الطيبة بقت تتخبّى، والقلوب النضيفة بقت تتوجع في صمت.بقى الطبيعي إنك تكون بارد، وماتظهرش مشاعرك، وإلا هيتقال عليك “
محتاج علاج نفسي”.بس الحقيقةاللي بيخاف من الطيبين هو اللي فقد إحساسه، واللي بيهرب من الحب هو اللي فقد قلبه.خليك طيب، حتى لو اتكسرت.خليك صادق، حتى لو اتخان.بس متغيّرش علشانهم… خليهم هما اللي يندهشوا إن لسه في ناس زيك.
