بقلم /د. حنان حسن مصطفي
من اجمل وأرقى الافلام من وجهة نظرى المتواضعة عرضت نوعيات مختلفه من المجتمع كانت عائشة وسطينا ومازالت تعيش بس للاسف الشديد المجتمع بقى اصعب واقسي من الاول بكثير 🌹💜 فعلا ربنا يستر من اللى جاى يوم ما يبقى كل شىء مباح ومستباح من أجل المال والفلوس يبقى لازم أننا نخاف بجد فعلا.
فيلم ” حتي لا يطير الدخان ” من أحسن الأفلام اللي عملها عادل إمام بجد ؛ الفيلم ده قال فيه كام جملة من أعظم الجمل اللي سمعتها في حياتي 👇 أولهم :” هثبتلهم إني لو مشيت في سكتهم هبقي أحسن منهم هبقي سيد سيدهم ” وفعلاً لما مشي في سكتهم بقى سيد سيدهم .الجمله التانية :” إنت واللي زيك أكبر دليل إننا عايشين في مجتمع فاسد ”
وهو بيكلم أصحابه .الجملة التالتة :” الحشيش قدامي ومشربوش السجاير في جيبي وأعزم بها عمري مـا ملكتني رغبة معينة “خيرية بنت الباشا لما إتريقت عليه وهو لابس البدلة بيقولها :” إنتي واحدة من بره متزوقة لكن من جوه فاضيـة ” ويدور الفيلم وتجيله شقته وتقعد تحت رجليه وينزلها من سلم الخدامين ؛
وهو بيقول للمساعد بتاعه “مهما الدنيا إديتك اوعى تنسى أصلك عشان فيه اللي فاكره وعشان الدنيا متغيركش وتخليك واحد تاني ” الفيلم ده يعرفك إن كده كده الدخان هيطير وهينتهي .من أحسن اافلام السينما المصرية كلها .
