معلومة قانونية لعقد بيع او ايجار او اتفاق
هاجر محمد حسني المحامية
معلومة قانونية لعقد بيع او ايجار او اتفاق
١ -ممكن ترفع ترفع دعوى صحه توقيع على عقد ابتدائى أو عقد لسه عليه أقساط
٢ – العقد لازم يكتب فيه تاريخ (عقد مؤرخ)
٣ – بتكتب فى العقد أن تمن الشيء المبيع كذا وتم سداد كامل الثمن بمجلس العقد وليس كلمة (خالص الثمن )
٤ – سواء بائع أو مشترى تمضى على كل ورقه مهم جدا
٥ – يوجد فرق بين صحه التوقيع والتسجيل ومش كل العقود ينفع تتسجل فى الشهر العقارى ومش معنى أن العقد عليه ختم صحه توقيع يبقى اتسجل.
٦ – مافيش حاجه اسمها تنازل على ظهر العقد ويبقى كده اشتريت … اشتريت يعنى اعمل عقد بيع وشراء
٧ – حضرتك لما تشترى شقه أو تأجر تاخد آخر إيصالات مياه وكهرباء وغاز حتي تضمن حقك
٨ – صحه التوقيع مهمه وبتثبت تاريخ البيع وتوقيع البائع والمشترى ، ينفع المشترى يرفع صحه توقيع على البائع وكمان ينفع البائع يرفع صحه توقيع على المشترى لضمان حق كل من
٩ – لو حضرتك اشتريت شقه تمليك ومالكش حصه فى الارض والبيت وقع كده حضرتك مالكش اى حاجه يعنى حضرتك اشتريت حيطان بس
١٠ – لو اشتريت شقه من واحد والشخص ده اتوفى بعد مابعلك من حقك ترفع صحه توقيع على ورثته عادى
١١ – عقد الإيجار ممكن يتعمل عليه صحه توقيع لو مدة الإيجار اكتر من ٩ سنوات ولو أقل من كده يبقى إثبات تاريخ
١٢ – ياريت قبل ماتشترى شقه تسأل هل صدرلها قرار تمكين ولا لا علشان لو زوجة البائع كانت عامله قرار تمكين للشقه قبل مايتم بيع مش هتاخد شقة
١٣ – ياريت لما تشترى شقه ويكون عليها أقساط تعمل العقد من ٣ نسخ البائع ياخد نسخه والمشترى ياخد نسختين علشان لما حضرتك ترفع صحه توقيع للعقد المحكمه لازم يكون قدامها أصل العقد وطبعا المحامى مش حيقدر يسحب الأصل غير لما القضيه تخلص …
١٤ – العقد مش هايكون باطل لو مافيش شهود ماضين عليه المهم توقيع الشخص الى حيبعلك مش الشهود
..
اخر نصيحة واهم نصيحة لازم يكون معاك اومعاكي محامي فاهم للاطلاع علي الاوارق والتأكد من صحتها ثم صياغة بنود العقد بما يضمن كافة حقوقك
