مؤشرات عدم كفاية المياه بالجسم
كتبت : وفاء سليمان
طول ما لون البول بتاعك غامق زى ٤ و ٥ و ٦ و ٧
يبقا دا مؤشر انك مخدتش الكميه الكافيه بتاعتك فاليوم من الميه
و خصوصا فالايام الحر دى
مع العلم
ان احتياج كل شخص للميه بتختلف من شخص للتانى
يعنى لو انت ٢ لتر بيكفوك فاليوم … غيرك ممكن يحتاج ٢ لتر و نص فاليوم او ٣ لتر
يعنى ال ٢ لتر مش قاعده عامه
و لكن هو مش اقل من ٢ لتر فاليوم لكل الاشخاص…
ممكن تزيد بس متنقصش
اشرب ميه لحد ما يبقا لون البول قريب من رقم ١ او ٢ زى
و ابعد عن انه يزيد عن كدا
طب و لو نقص هتحس بايه؟؟!!!
١- اول حاجه هتحس بيها هى التعب و الارهاق الشديدين
٢- تانى حاجه الدوخه
٣- تالت حاجه هتحس بقلة التركيز و مش عارف تجمع لا اسامى ولا معلومات و لا طرق
٤- رابع حاجه انت هتحس بالحر اكتر من اى حد
٥- خامس حاجه هتبقا معرض لتكون الحصوات و التهاب المسالك البوليه
خلى بالك… و خلى ازازة الميه فايدك دايما فاى مشوار
عشان تبقا دايما فايق و متحسش بتعب.
مؤشرات عدم كفاية المياه بالجسم
