…(( عملية حسابية ))….
بقلم د/ عمر عبد الجواد
أصل الحياة……….يا غريب
عملية حسابية……..بترتيب
جمع و طرح …….و ضرب
و قسمة……و نصيب ….
جمع ….
الحبايب ……..مع الصحاب
من غير ملام. …أو عتاب
مهما كانت… . الدنيا ضباب
نفرح باللمة . … للي حاضر
وندعي بالرحمة للي يغيب…..
و جمع …
كل الهموم .. … …في سلة
كانت علي القلب …….علة
نرميها………… من أعلي تلة
و بعدها القلب ……..يطيب ….
و نطرح …
من حياتنا …. …. الهموم
ما نخليها أبدأ……. تدوم
ندلقها في ماء ….. الحموم
و نتنازل حبه…. .مش عيب ….
و نطرح ….
الناس ……………الناقصة
قلوبها لينا …..مش خالصة
الحياة أصلا مش ناقصة
هم و غم….. . واحد كئيب …..
و الضرب ….
دا.. …………..لازم أكيد
بيد آسية………. من حديد
لكل خاين…………. و عنيد
يهين. في وطنه…. و يعيب ….
و نضرب …
علي أيادي….. كل مسؤول
يرتشي ما يختشي و ينول
عقابه و علي بابه … نقول
حرامي و اتمسك …تهليب ….
و القسمة ….
قدر مكتوب.. علي الجبين
والمكتوب نروح منه فين
مهما تحكي و تبكي يا عين
أو تشكي من هجر الحبيب ….
و القسمة …
أصلها ………… في. الدين
نتعاون علي البر ..و الدَين
و الرغيف نقسمه……نصين
بين مسلم ……و مسيحي
و نعيش سوا ……حلوين
و يحيا الهلال مع. الصليب
و نعيش الحياة …
عملية حسابية……..بترتيب ….
★★★★★★★★★★★
د/عمر عبد الجواد عبد العزيز
