كلنا عارفين أن التطعيمات للاطفال إجبارية هو في تطعيمات اضافيه ⁉️
كتبت وفاء سليمان محمد
كلنا عارفين أن التطعيمات للاطفال إجبارية هو في تطعيمات اضافيه?! ، التطعيمات الإضافية للأطفال 💉
ناس كتير فاكرة انها علشان تطعيمات إضافية تبقي مش مهمة لكنها مهمة جدا خاصة في الأيام دي بسبب إنتشار العدوي و الأمراض
ايه هي التطعيمات دي ..؟؟
✨ تطعيم الروتا
وده مهم جدا علشان النزلات المعوية المتوافر منه Rotarix
بيتاخد منه جرعتين
من أول شهر و نص لحد ٨ شهور
الجرعة الأولي من أول شهر ونص لحد عُمر ٤ شهور
الجرعة الثانية بينها و بين الجرعة الأولي شهرين
✨ المكورات الرئوية
بيتاخد من عُمر
– ٢ و ٤ و ٦ شهور
– أو ٤ و ٦ و ٨ شهور
– او ٦ و ٨ و ١٠ شهور
و الجرعة التنشيطية من ١٥ الي ١٨ شهر
✨ تطعيم الجديري
بيتاخد بداية من ١٢ شهر علي جرعتين
الجرعة الأولي في سن من ١٢ ل ١٥ شهر
و الجرعة الثانية من ٤ ل ٦ سنوات
لو الطفل مخدش التطعيم في السن ده يقدر ياخده من سن ٧ ل ١٢ سنة
و الجرعتين يكون بينهم ٣ شهور
الأطفال فوق ١٣ سنة لو مخدوش التطعيم ليهم جرعتين بينه ٤ أسابيع علي الأقل
✨ تطعيم الأنفلونزا الموسمية
بيحمي من مشاكل الجهاز التنفسي و التهابات الحلق و الأذن
بيتاخد من ٦ شهور لسن ٩ سنوات لو أول مرة ياخد التطعيم هيحتاج جرعتين بينهم شهر علي الأقل
لو خد التطعيم قبل كدا هيحتاج جرعة واحدة فقط
الجرعة بتكون نص مللي لكل الأعمار تحقن في عضلة الفخد الأمامية أو الكتف حسب عُمر الطفل
من سن ٩ سنوات فما فوق يحتاج جرعة واحدة فقط
✨ موانع التطعيم
– حساسية البيض
– او حساسية من احدي مكونات التطعيم
✨ الموانع المؤقتة للتطعيم
إلتهابات شديدة و السخونية
✨ تطعيم الإلتهاب الكبدي أ
بيتاخد بعد السنة جرعتين بينهم من ٦ ل ١٨ شهر
