ملخص الشوط الأول لمباراة الأهلي والزمالك
كتب محمد فضل
انتهى منذ قليل الشوط الأول من مباراة القمة بين فريق الاهلى والزمالك فى إطار الجولة الرابعه عشر من مسابقه الدورى المصرى بدون أهداف
حيث بدأ كولر بـ 4-2-3-1 ، الشناوي حارس، رامي ربيعة وخالد عبد الفتاح قلبين دفاع، معلول ظهير أيسر ومحمد هاني ظهير أيمن، ديانج وحمدي فتحي ارتكاز وسط الملعب، عبد القادر جناح شمال والشحات جناح يمين وقفشة صانع لعب تحت كهربا المهاجم.
-كولر حافظ على مستوى هاني المرتفع مؤخرًا واستمر به في مركزه كظهير أيمن، ولعب بخالد قلب دفاع.
-الأهلي متحفظ رغم انه لما بيتقدم ويضغط بيعمل خطورة على مرمى الزمالك، التراجع بيديله فرصة يدخل معاك الماتش ويبادلك الهجوم.
-الشوط الأول بطيء من الفريقين.
-الأهلي لما بدأ ضاغط على الزمالك جاله كذا كرة وكان موجود في تلت الزمالك دايما، أول ما تراجع الزمالك بدأ يدخل الماتش.
-قفشة مش موجود، لا صناعة ولا دفاع.
-قفشة جاله واحدة لا تضيع ولعبها فوق العارضة، هي صعبة وسهلة في نفس الوقت، صعبة لأنه مندفع وعايز يلحقها، وسهلة لأنها مواجهة للمرمى وقريبة منه.
-الأهلي عيبه الوحيد التحضير المبالغ فيه في الدفاع والتمريرات الخطيرة في التحضير.
-لاعيبة الزمالك أول ما بيستلموا الكرة على حدود المنطقة بينشنوها في إيد لاعيبة الأهلي، لا رفعة ولا تمريرة هما بيحاولوا ياخدوا ضربة جزاء بلمسة يد لازم ناخد بالنا.
-بنضيع حاجات غريبة معرفش ليه، وفرصة نكسب ماتش زي ده.
