لو حد نصحك انك تاخد أسبرين أطفال كل يوم لأن سنك فوق ال ٥٠ سنة، أو عندك سكر أو ضغط أو كوليسترول، هاتسمع كلامه؟
كتبت وفاء سليمان محمد 👇
لو حد نصحك انك تاخد أسبرين أطفال كل يوم لأن سنك فوق ال ٥٠ سنة، أو عندك سكر أو ضغط أو كوليسترول، هاتسمع كلامه؟ للإجابة ركز في المنشور لأنه مهم جدا، و أتمنى يوصل كل الناس.
️الأسبرين مهم جدا في الوقاية الثانوية من الجلطات(لمن سبق تشخيصة بجلطة في القلب أو المخ). ثابت إنه يقلل تكرار الجلطات في هذه الحالة بنسبة كبيرة تفوق كثيرا الأعراض الجانبية الخطيرة للأسبرين.
نعم في أعراض جانبية خطيرة للأسبرين تتمثل في نزف بالجهاز الهضمي أو بالمخ و تحدث بمعدل ١.٣ حالة في الألف سنويا. (يعني لو مليون اتعالجوا سنة منهم ١٣٠٠ يجيلهم نزيف).
الوضع مختلف في الوقاية الأولية (من لم يعانوا من أمراض الشرايين، الجلطات القلب أو المخ).. غالبا بتكون أضرار الأسبرين أكبر من فوائده.
عشان كده لو حد نصحك تاخد أسبرين لأن سنك كبير أو تعاني من السكر أو الضغط ما تسمعش كلامة.
الموضوع فيه خطوط إرشادية تعتمد على معادلات لحساب إحتمال إصابتك بأزمات القلب و المخ على مدار ١٠ سنوات قادمة، و بعدها تقييم و نقاش بين المريض و الطبيب الحكيم للوصول لقرار.
