لو بتدوخ وترجع لما تركب عربية أو ميكروباص 🚐🚗 👈 البوست ده ليك 🤍
الحالة دي اسمها دوار الحركة .. ايه دوار الحركة ده ؟
كتبت وفاء سليمان محمد
لو بتدوخ وترجع لما تركب عربية أو ميكروباص ، البوست ده ليك 🤍
الحالة دي اسمها دوار الحركة .. ايه دوار الحركة ده ؟
👈 حالة مرضية بتحصل لما شخص يركب عربية أو أتوبيس أو مركب
بيحصل له دوخة وغثيان وممكن ترجيع
السبب خلل في الأذن الداخلية المسئولة عن الاتزان
✴️ طب ازاي امنعها ؟
👈 تجنب الجلوس في المقاعد الخلفية .. اقعد قدام في الكراسي الأمامية
👈 ويكون وجهك للامام مش للخلف
👈 يفضل تكون جنب شباك وتقدر تفتحه شويه لدخول هواء نقي
👈 تجنب القراءة أو النظر في الموبايل
👈 تجنب النظر للاسفل . ارفع راسك لفوق
👈 طبعا تجنب الأكل قبل السفر ب 6 ساعات خصوصا الاكل الدهني أو الحاجات اللي بتهيج المعدة زي الشيبسي والحراق والحوادق وهكذا
✴️ طب فيه ادويه في الصيدلية ممكن تمنع الدوار ده ؟
موجود
🔑 أشهرها درامينكس اقراص
💊الجرعة للكبار والاطفال فوق 12 سنة ،، قرص أو قرصين قبل السفر بساعة
💊جرعته للأطفال تحت 6 سنين من ربع ل نص قرص قبل السفر بساعه
💊للاطفال من 6 ل 12 سنة من نص قرص ل قرص قبل السفر بساعة
بيسبب نعاس خفيف
🔑 طبعا فيه ادويه تانيه تقدر تستخدم أي منها زي ميكليزيجو شرائح .. اوندالينز شرائح على اللسان .. أو
🔑 بيتاسيرك اقراص بياخد وقت عشان يدي مفعول لازم ابدا فيه قبل السفر بكم يوم. . أو
🔑 ستوجبرون اقراص أو
🔑 اموسيريبرال بلس اقراص أو
🔑 فاركوتيليم شرب
استشير الطبيب أو الصيدلي في العلاج الأنسب ليك
رحلة سعيدة بدون ترجيع أو دوار
#دوار_الحركة
#الغثيان
