بقلم الكاتبه زينب محمد
اخصايء صحه نفسيه وارشاد نفسي واسري
نائب رئيس قسم الصحه النفسيه بجريده الاسبوع
كلمتين مهمين حتى لو هتزعل ..
أنت مش “مكتئب”.. أنت غالباً بس “مدلع”! لما حد يقولك كلمة تضايقك، وتفضل قاعد في البيت 3 أيام زعلان ومش عايز تشتغل.. ده اسمه دلع مش حساسية مفرطة.
اسمع الخلاصة دي: الناجحين مش ناس مبيحسوش.. دول ناس بيعرفوا يفصلوا بين “اللي حاسين بيه” وبين “اللي لازم يعملوه”.
لو فضلت تتصرف بناءً على مشاعرك، هتفضل طول عمرك عبد للظروف. عايز تنجح؟ اتعلم تشتغل وأنت “قرفان”، وأنت “مخنوق”، وأنت “تعبان” وانت مبسوط و انت مكتئب وانت محبط و انت متحمس …
لأن بمنتهى البساطة جداً.. العالم مابيهتمش بمشاعرك، العالم بيهتم باللي بتقدمه للناس. قوم اشتغل وبطل دلع .
ربنا سبحانه و تعالى بيقول {وَأَنَّ سَعْيَهُ سَوْفَ يُرَىٰ}. السعي هو اللي بيتشاف، مش النوايا ولا المشاعر!
