قصيدة صوت مصر… نداء
بقلم أمينة حماية
أنا سامعه صوت شبابي بينادي
ويناهد ع السؤال إجابته هاتي
ردوا يالا على شبابي
ده حيران والله وبيقاسي
بيدور ع الصح ومش لاقي
شايف الغلط هو اللي ماشي
اختلط الأمر عليه ياحياتي
بقى شايف الكل عمياني
مغموضة عينيه مربوط ف سواقي
داير ولا حاسس بما جاري
في زمانا ولا الزمن الماضي
ياشبابي هتحسر عليك من تاني
معقول؟؟ لا نصيحة ولا قول هتلاقي!!
معذور مثله الأعلى بقى فاني
راح دور على ملجأ تاني
خسارة ضاع حلمه الهاني
بحبه وشمه هيروين فاني
من صاحب سيئ أناني
اداله الحبه وبقى هو التاني
مدمن والشمة يدوب ف ثواني
راح ضحية لزميله الخاوي
وفريسة لغول يهلك شبابي
غول ظاهرة الإدمان الحالي
جايـه من الغرب ف بواكي
بعتها من الخارج أعدائي
ينشر العدوى في بلادي
ويغوص بالسم في دم ولادي
وتهون وتذل راياتي
وتدوسها نعال أعدائي
خدوا بالكم من شبابي
هم حفاظ أمجاد الماضي
وصانعين المجد الآتي
