حروفي نغمها كما النار قايد
وقلمي بيغزل دموعي قصايد
رياح النوايب و هاجت علينا
ومالت و صادت عزيز القلايد
مين بعده يفرش قصور المعاني
بفرش البلاغة كأنَّه وسايد
ومين بعده يطلق عنان اليراع
يصيد النجوم وينصب مصايد
مين راح يصحّي زهور العراق
و أطفاله نامت ف قهر و كمايد
مين راح يغذي العقول الفقيرة
بقصة و رواية و أحلى النشايد
مين راح ينبّه بشِعره العروبة
بحال المخاطر و حال المكايد
مين راح يلالي بقلمه المقاتل
صوت الكنايس و صوت المساجد
حياتك قضيتها مناضل و فارس
أديب مطبوعاتك فواكة الموائد
مخايف بموتك تموت الثقافة
فُراتي و دجله أشوفهم رواكد
ولو تبقى نفسى في كلمة ندية
يسمملي نفسي كلام الجرايد
مخايف بموتك تخيب الأغاني
تراب الخلاعة يغطي الفوايد
و تبرد حرارة بحور المعاني
وتخرب مراكبي مراسي جوامد
تقول النواعي كريم العراقي
جميل الطبايع كتير المحامد
بقلم شحاته على ابودرب
