بُثينه سعيد
20سنه من اسكندريه بدرس ف معهد نظم ومعلومات بدأت ميكاب وهي في عمر15سنه والموضوع كله بدء ب شغف ل ميكب الرعب وحب استطلاع اني اعرف الجروح اللي ف الافلام دي بتبقي حقيقه ولا لا وعملت سيرش في مواقع كتير بكلمات وجُمل بدائيه جداً لحد ماعرفت ان فيه حاجه اسمها Sfx makeup او special effects .
وان ف الموضوع بيتم استخدام دم مزيف وعجينه علشان نعمل جرح بسيط ف انا واجهتني صعوبه اني اشتري المواد دي لان مش متواجده ف مصر بشكل كبير ف بدأت اجرب اني اعمل المواد دي ف البيت بحاجات ف المطبخ زي النشا وملونات الطعام وفعلاً الموضوع نجح معايا وعملت اكتر من جرح بالمواد دي وبيبان فعلاً انه شبه حقيقي وبعد كدا اتجهت اني ارسم علي وشي ب الالوان ودي حسيتها اسهل لان الالوان موجوده ف اي مكتبه بس كدا
والفن ده بالذات لانه نادر فِ مصر و السينما المصريه موخرا بدات تبدع ف المكياج ده ف الافلام والمسلسلات. طموحي ان اخلص الدراسه باذن الله واسافر اطور اكتر ف الموهبه واخد خبره برا وارجع اشتغل ف السينما المصريه
وماخدتش كورسات ولا اتعلمت من جوجل انا كل الافكار ف الجروح كان ولو علي الفانتازيا”الرسم علي الوجه” كنت برسم شخصيات ف افلام زي it و spider manو the nun وسيمبا وسكار.
اهلي هما اللي ساعدوني ف الاول وكانوا بيحاولوا يوفرا المنتجات البديله علشان اعرف اشتغل واعمل الاشكال بس عن ماما بقا ف كانت بتخاف مني جداً ومكنتش بتحب تبصلي وانا بعمل الاشكال دي بس دلوقتي تقبلت الفكره الحمدلله وبقت بتعرف انه مكياج وانه عادي
و ف البدايه كان فيه كومنتات سلبيه كتير جداً بس كنت بتجاهل الكلام ده كله لاني لو وقفت علي كل كلمه كنت هعتزل من زمان طبعاً بس كنت باخد السلبيه دي والنقض ده ك كلام ايجابي ليا.
واحب اقول للناس لو عايزين يتجهوا للمجال ده يتجهوا ويكملوا ويسيبوهم من كلام الناس السلبي ولو محتاجين اي مساعده انا هساعده في مجال الخدع بيسالني وأنا اساعده .
