قصيدة شعر عامي (آه٠٠٠٠٠٠يادنيا)
بقلم (أمينة حمايه)
الدنيا لما تديك خاف وأوعى تفرح
إياك تتغر باللى خدته وتستهتر
الدنيا لما تدي بتاخد أكتر
واسألنى دنا مجرب وغيري اتصور
اللي كان ماشي فيها بيتمخطر
طمعان فى دنيا زي البحر
تشرب منه مياته تعطش
تسقيك مراره وألم يفطس
تفقد عزيز ٠٠٠٠٠ مرض خبيث يحير
لعمرك يادنيا كنت صديق تتآمن
على حياتنا وآمالنا دايسه بتهور
كل حاجه ليها عندك تمن في الاول
شفنا منك كتير والاكتر بيحزن
وخدنا إحنا القليل م الفرح بيتقسم
دنيا تضحك فى وشك وتصبر
تديها ضهرك تكيدلك وتغدر
من يآمن لدنيا الغدر فيها ٱرعن
يدوس فى وشه الغبي واللي بيفهم
