بعد ماتش البنزرتي.. الأهلي مع ريبيرو بقى فريق تاني!
كتب:احمدعبدالنبي
والله تحس إن الأهلي كان سنتين بيلعب من غير “مدرب حقيقي” رغم البطولات
دلوقتي لأول مرة نحس إن في فكر كروي واضح، مش مجرد “حفظ جمل وتنفيذ وخلاص”!
خوسيه ريبيرو بيقدم كورة حديثة فيها:
تحرك من غير كورة
تمريرات بينية وطولية
ضغط عالي + شراسة هجومية
بناء من الخلف
منافسة قوية على كل مركز
ومعدلات بدنية مرعبة
باختصار: الأهلي بيلعب كورة بجد مش بيأدي واجب!
رؤية سريعة:
• شوبير متفوق بكتير على الشناوي في الخروج بالكورة، وده مناسب جدًا لفكر ريبيرو
• ياسر إبراهيم + أفشة للأسف خارج المنظومة.. كرتهم بطيئة، قراراتهم أبطأ
• كوكا + أحمد رضا في النص؟ مستقبل واعد.. خصوصًا كوكا اللي لازم يبقى في نص الملعب مش الباك
تريزيجيه زيزو؟
ثنائية ممكن تبقى نار لو فضلت كروية مش بس صحوبية!
• تريزيجيه بيرجع وحدة وحدة
• زيزو تمريراته راقية، سريع ومرن جدًا
ديانج = القاطرة البشرية
كولر كان ركنه من غير منطق!
دلوقتي: بيقطع – بيمرر – بيكمل – بيسد فراغات.. لاعب مرعب
إيه اللي ناقصنا؟
مهاجم تقيل قبل قفل الميركاتو، حد يكمل المنظومة دي ويترجم الشغل الجميل لأهداف
اللي بيعمله ريبيرو حاليًا حاجة تفتح النفس
بتتفرج على فريق بيطوّر نفسه.. مش بيقضي وقت لحد ما البطولة تيجي!
