ايجابيات كثيره في معسكر تونس
كتب :احمد عبدالنبي
بعد إنتهاء معسكر الأهلي والفوز بخماسية نظيفة على البنزرتي ف اللقاء التجريبي الاخير للفريق وقبل العودة للقاهرة اليوم الأحد
ـ ايجابيات كثيرة في المعسكر بعض النظر عن تواضع الفريقين إللي قابلوا الأهلي في الوديتين.. لكن هناك فوائد كثيرة بالنسبة لـ ريبييرو ودا الأهم….
الثقة الكبيرة إللي أصبحت موجودة في خط هجوم الأهلي والغزارة التهديفية دي تقول إن شغل مدرب دايما عينه على المرمى وساحب الفريق لقدام مع التماسك الدفاعي ووقوف اللاعبين صح خاصة أن كلهم لاعبين دوليين وعندهم من الخبرة ما يكفي.
ـ ثلاث أهداف سجلهم محمد شريف العائد إليك من أصل 9 أهداف سجلها الأهلي في المباراتين، ودا مكسب كبير جداً وثقة غير عادية من لاعب عائد ليك متعطش للشباك.
ـ لمعان وبريق زيزو مع الأهلي بيزيد يوم بعد يوم وكل يوم بيتكون عنده شخصية الأهلي إللي دايما الفريق هو النجم الأوحد واللاعب مجرد ترس فقط داخل المنظومة.
تريزيجية لما تخلص من اللعب الفردي قدر يعوض ولو جزء بسيط من مستواه اللي الجمهور كان متعود منه عليه، ورغم ذلك عنده اكتر بكتير من كدا.
ـ اشرف بن شرقي الجناح العصري إللي هيحط ريبييرو في حيرة كبيرة بينه وبين تريزيجية ولسه مجابش نصف مستواه المعروف عنه.
ـ كريم فؤاد الفتى الذهبي لـ ريبييرو واللي المدرب معجب بكل التفاصيل إللي بيعملها فؤاد في المعسكر زي ما أكدت لكم في بوست صباحاً، ويكون حل سحري مع الإسباني في الموسم الجديد ونفتكر مع بعض، وربنا يبعد عنه الإصابات.
ـ من خلال متابعاتكم للمباراة هتلاقي ريبييرو استخدم كريم فؤاد في أكثر من مركز، ودا يؤكد أن اللاعب أصبح لا غنى عنه في سكواد خوسيه.
ريبييرو اطمن خلاص على معظم الأماكن في الملعب وحط أيده على كل كبيرة وصغيرة من خلال معسكر تونس وهيرفع تقرير للجنة الكرة يوم الإثنين المقبل أثناء فترة الراحة السلبية باحتياجاته إللي من المفترض الأهلي هيعملها في يناير.
– احتياجات ريبييرو في يناير كالآتي: مهاجم سوبر تعويضاً لرحيل وسام أبو علي، يكون أقوى من المتاح معاه، وظهير أيمن لأن الراجل بشكل كبير مش مقتنع بإمكانيات عمر كمال عبد الواحد، بعد إعطاءه أكثر من فرصة.
– أخيراً ودي نقطة مهمة بالنسبة لأي مدير فني عشان يقف على مستوى كل اللاعبين… 98% من اللاعبين إللي سافروا مع الأهلي تونس خلال المعسكر شاركوا في المباراتين ودي حاجة تقول إن الراجل دا جاي يشتغل مش جاي يهزر
