الوجع
بقلم/ عادل محمود
أمسك خيوط الوجع
أغزل بوجعك شال
أنا كنت عايش جدع
وراضى بأقل الحال
لا شوفت يوم الدلع
ولا شئ يسر البال
الكتف منى إنخلع
من كترها الأحمال
والمر منى شبع
ومن حياتى نال
للعم ويا الخال
ياما شوفت
فيكى البدع
وعاشرت ناس أندال
الصاحب اللى خدع
بالقول وبالأفعال
واللى أشتريته خلع
أتاريه مصاحب مال
يادنيا فيكى الطمع
والعمر فيكى طال
هتعيش لمين ياجدع
والحزن فيك موال
