الطريق طريقك لوحدك ياعزيزى
كتبت / وفاء فتحي
الرحلة فردية و هتفضل فردية والله لحد ما نموت
ولا صحاب ولا ارتباط ولا أهل ولا حد هيساعدك
.. هيونسك شوية آه بس مش هيحبك أكتر من نفسه
مش هينقذك من نفسك زي ما إنت متخيل
الطريق طريقك (لوحدك إنت) و مفيش حد هيعيشلك حياتك ولا هيحس بيك اوقات كتير مهما بدى لك إنه بيحبك
-لو قدرت تعمل كل حاجة لنفسك اعملها
متستناش حاجة من حد
-اتعلم تبسط نفسك
و تقوم لوحدك و تكمل سعي في رحلتك بكل شغف و حب لذاتك و إيمانك بيها
اشتغل على إصلاح نفسك لنفسك
-متحطش سعادتك على حد و متخليش العشم يخليك تقع على دماغك من أقرب الناس ليك
.. انت مسؤول عن نفسك بنسبة 100% و اللي هيدخل حياتك هيكمل جزء و احتياج بسيط جداً لكن من غيره انت زي ما انت إنسان مبسوط وبيسعى وبيحب نفسه وبيحاول وبيجتهد وراضي
انا مش بحبطك بس الكلام ده طالع من إنسان
مفرط الحساسية إتصدم بالواقع جدا
و بيحاول يمر بنفسه ومشاعره بدون أي خلل
ووالله ( محدش هيحبك اكتر من نفسه )
علشان كده اوعى تقبل بأقل ما تستحق
ولا تيجي على نفسك علشان خاطر حد.
