الحنيه رزق

الحنيه رزق 

بقلم الإعلامية /مروه العشري

مكتب محافظة البحر الأحمر 

أكتشفت أن أكتر صفه تشدك في أي إنسان هي الحنيه ولو معرفتش تكون حنين فاأنت فايتك كتير أوي لأن الحنيه دي الشئ الوحيد التي لا تقدر بثمن لأن الحنيه دي لا بتتباع ولا بتشري وهي صفه رقه ولين القلب وهي سيده الخصال والطباع الجميله وأن الحنيه لا تأتي إلا من الشخص الرحيم وأكتر صفه تكون حلوه في أي إنسان هي الحنيه وطيبه القلب لأنها فطره ومحدش يقدر يتعلمها تحس أن في روح بتطبطب علي روحك وتسعدها وتنسيها أوجاعها لأن الحنيه صفه ممكن أي شخص يضعف قصادها بسبب رقه مشاعرهم وفيض الحنان اللي عندهم لأنهم مثل الدواء اللي بيشفي جراحنا من الداخل وبتحس وأنت قاعد مع حد حنين أنه بياخدك كده من الأرض لسابع سما وديما القلب الحنين و الطيب بيكسب كل المواقف لأنهم ناس بسيطه بكلمه حلوه منك تكسب قلوبهم وبيقوا جنبك لو أحتاجتهم وبيكون أيديهم مفتوحه ليك في أي وقت وديما بيطمنوك ويقول لك الجاي احسن وكله هيبقي تمام لأن جواهم طاقه إيجابية وتسامح وسلام داخلي وروحهم الجميله اللي بطيب الجروح فتذهر القلوب وتروي حياتنا بطيب وجودهم فيها الناس دي أكبر نعمه في الحياه لأن كلامهم بيطبطب علي الروح ويجبر الخاطر والناس الحنينه دي بتكون حلوه من جوه وبره زي ما بيقول كده سيماهم علي وجوههم لأنهم بيحتونا بالعطف والحب والرحمه وكل ما قعد معهم تزهر الحياه كالورود في البستان في حياتنا وزرعت البسمه على وجوهنا وجعلت الأيام ملونه بأجمل الألوان 

الخلاصه لو في حياتك حد حنين حافظ عليه وقدر قيمته لأن الأيام بقيت صعبه والقلوب بقيت قاسيه جدا وصعبه جدا وأقرب الناس ليك بتقوي عليك وربنا سبحانه و تعالى شبه القلوب القاسيه إنها زي الحجر لأن في عز أحتياجنا لهم مش بنلاقي حد منهم جنبنا 

والناس الحنينه رزق وكنز كبير حافظ عليهم في حياتك