الايام الله يجازيها خير
الطيرالجارح_محمد_العزازي
ردت الثعالب صيوده
والحمامه تفيش ع الطير
والغابه تحكمها قروده
والخسيس صار يورد البير
والاصيل ايديه مقيوده
الهايف وسط المجالس خبير
والناس تنصت ليه مشدوده
المجالس يتصدروها حمير
واهل العلم علومها مردوده
الساقطات ينفرش ليهم حرير
والحراير بوجههم الابواب مسدوده
لكن ياصاح هالايام مشاوير
والمستلفه دايماً مردوده
والكبير يبقي دايماً كبير
والايام ساعاتها محدوده
الحر حتى لو جناحه كسير
تبقي رايته بين القوم مشهوده
الصغير مهما ارتفع يضله صغير
واللي يتكلم يعرف حدوده
انا العزازي في ذاتى امير
حتى لو الاماره منى مفقوده
#الطيرالجارح_محمد_العزازي
