الاهلي داخل الموسم الجديد بنية مفيهاش هزار
كتب : احمدعبدالنبى
وضح إن الأهلي داخل الموسم الجديد بنية ما فيهاش هزار! بعد المشاركة المخيبة في كأس العالم للأندية، ظهرت عيوب واضحة في الجبهة اليمنى، والكل شاف التراجع الكبير في مستوى محمد هاني، واللي كان من نقاط الضعف في الفريق.المدير الفني الإسباني خوسيه ريفيرو قعد مع لجنة التخطيط وطلب منهم بشكل مباشر:”أنا محتاج ظهير أيمن جديد.. يكون سريع،
هجومي،
وبيعرف يدافع كويس”ومن هنا بدأ اسم أحمد هاني، لاعب سيراميكا كليوباترا، يطلع على السطح.اللاعب ده من أبرز المواهب الصاعدة في مركز الظهير الأيمن، وقدم موسم مميز جدًا مع سيراميكا، خصوصًا على مستوى العرضيات والانطلاقات في الطرف ؛ وفعلاً، الأهلي فتح خط مفاوضات مع ناديه، والصفقة ممكن
توصل لـ 20 مليون جنيه أو أكتر، لإن سيراميكا شايفاه نجم الفريق المستقبلي ومش ناوي يفرط فيه بسهولة.طب هل ده معناه إن محمد هاني هيمشي؟الإجابة: لأ.المدير الفني تمسك باستمراره، وراهن عليه إنه هيرجع لمستواه في وجود منافسة حقيقية مع لاعب زي أحمد هاني.يعني مش طرده، لكن بيقوله: خُد بالك.. مكانك مش مضمون أما بالنسبة لعمر كمال عبد الواحد، فـ لسه بعيد عن مستواه اللي قدمه مع فيوتشر قبل الانضمام للأهلي، وده خلّى ريبيرو يجمّده شوية رغم تمسكه بيه.والمصيبة التانية إن كريم فؤاد لسه ما رجعش 100% بعد إصابة الرباط الصليبي، وده خلى الجهاز الفني يدق ناقوس الخطر، ويبدأ
يتحرك.الخلاصة؟الأهلي بيدوّر على “سوبر ظهير أيمن”، والموسم الجاي هيكون موسم إثبات وجود للكل:محمد هاني لازم يثبت نفسهعمر كمال لازم يستعيد لياقتهوكريم فؤاد لازم يرجع أقوىوفي النص.. أحمد هاني لو انضم، هتولع نار في الجبهة اليمين
