ابويا
للشاعرد،هانى محمد العاملى
،بمناسبة ميلاده يارب يجعل عيده ف جنة الخلد،،.
ابويا
.
ابويا
وحشتنى ووحشنى
حنيتك اللى دوقتها
وعرفتها
والنهارده ف يوم
ميلادك مشتاق لها
مشتاق لحضنك
اللى كان منبع
الحنيه كلها
مشتاق لضحكتك
اللى كنت برتاح
اوى اوى بعدها
وحشنى كلامك
الجميل اللى
كان عندى الدنيا
كلها
ووحشنى سؤالك
عنى وعامل ايه
يابنى اللى كان
الفرح كله بعدها
وحشنى يا اغلى
حاجه فقدتها
يانعمه غاليه اوى
اتعلمت كل الجميل
منها
يارب زى م اكرمتنى
يكرمك ربى
بالجنه عزها
د،هانى محمد العاملى،،.
ابويا
