وجع قلبه تحت اهمالها
كتب : مصطفى حبيشي
ساعات القلب يوصل لنقطة مفيش بعدها رجوع
نقطة ما فيهاش صراخ ولا دموع ولا لوم لان كل حاجة اتاخدت خلاص
قلبه وقف عند النهاية نهاية عمر كامل اتبنى على حبها وانتظارها
كان واقف قدامها بقلب منهك
بقلب اتكسر من كتر اللي اعطاها واتسحب
من صبر اتجمع وجع
ومن وعود ما اتحققتش
كان فاكر صمته رضا
وفاكر دموعه ضعف
وفاكر انه مهما اتكسّر هيفضل يرجع لانها كانت شايفاه مش هيتغير
بس الحقيقة
هو اللي كان بيتغير كل يوم قدامها
مش بيقوى بيطفي
مش بيحارب بيبعد
مش بيصلح بيتكسر
كبر الوجع جواه لدرجة ان قلبه بطل يحس بالالم
بقى صامت
وصمته كان اقوى رسالة مش محتاجة كلام
ولما قال لها كفاياكي اعذار اخر مرة هقولها
ماكنتش بتعاتب
كانت بتدفن اخر جزء في قلبها كان مستني اي حاجة تتغير
هو اكتشف ان كل الصمت كان اهمال
هو عمره ما شاف اللي جواها
الرجفة اللي بتحصل في صدرها وهي مستنية كلمة حنان
الليالي اللي كانت تنام فيها مكسورة ومحدش واخد باله
الصبح اللي كانت بتضحك فيه عشان محدش يشوف اثر الوجع
وهي
كانت دايما مشغولة
مشغولة بدنياها
مشغولة باصحابها
مشغولة بأي حاجة
الا هو
هييجي اليوم اللي مكنتش متوقعة
اليوم اللي هتدور فيه عليه ومش هتلاقيه
هتفتح شات قديم وتراجع كلامه
وهتسأل نفسها
هو كان بيحبني قد ايه وايه اللي خلاني اتحرك بعيد
هتفتكر لحظة كانت قادرة تغير النهاية
بس هي اختارت اهمال
اختارت البعد
اختارت الصمت اللي قتل اخر شعور جواه
وقتها هتفهم معنى الجملة اللي كان بيقولها وهو بيتنهد
انا بتعامل مع حد شايف قلبي ولا حاجة عنده
المرة دي
النهاية مش تهديد
ولا زعل
النهاية حقيقة وقعت وهي اخر واحدة حاسة بيها
هتكمل حياتها
وهتضحك
بس الفراغ جوا قلبه هيفضل واقف
ووجعه يقوله ان اللي يهمل قلب يخسره
وسقوط قلبه الاخير
وقع
-
ومقامش
ومش هيرجع
