ايهاب جنديه:
ربنا دايمًا بيختار لك الأفضل
بقلم : إيهاب نجاح جنديه
جريدةالأسبوع العربي الإخبارية
ماتستغربش لو وجدت نفسك متأخر أو متأخر عن شخص كنت فاكره كل حياتك إنها هتكمل معاه، سواء كان حب لقلبك أو صديق لروحك… ساعات الحياة بتخدعنا، والقلب بيحب، والعين تشوف، واللسان يتمنى… وكل ده طبيعي جدًا. لكن ربنا عنده طريقة في ترتيب حياتنا مختلفة عن اللي إحنا متخيلينها. يمكن اللي انت كنت فاكره صديق عمرك أو شخص مهم ليك يكون ابتعاده هو أحسن حاجة حصلت لك، عشان يحمي قلبك من وجع أكبر ما كنتش مستعد له.
الكثير من الناس بيعتقدوا إن الحب أو الصداقة هي مجرد قرب وتواصل… لكن الحقيقة إن ساعات البُعد هو اللي بيكشف قيمة الأشياء. ممكن تلاقي شخص قدامك سنين، تشوفه كل يوم، تتمنى يكون بينكم حوار أعمق أو علاقة أقوى… لكن الحياة توقفكم عند حدود، وتكتشف إن السلام اللي بينكم كان مجرد بداية، مش نهاية. مش كل اللي قلبك يحبه أو نفسك فيه بيكون مناسب لك في الوقت اللي انت محتاجه… واللي ربنا مخبيه ليك دايمًا أكبر وأحسن بكتير.
الفكرة مش بس إن ربنا يأخرك عن حد… لأ، ده أحيانًا بيبعدك عن ألم محتمل، عن خيبة كنت ممكن تعيشها، عن تجربة تسيب أثر سلبي في قلبك. كل تأخير، كل ابتعاد، كل حاجه بتحسها مش عدلة، ليها سبب. وكل اللي محتاجه قلبك هيوصللك في الوقت الصح، بطريقة ربانية مش متوقعة. الشخص اللي هيدخل حياتك ممكن يجيك بدون مقدمات، يدهشك بوجوده، يكون معاك في كل التفاصيل الصغيرة والكبيرة، يفتحلك أبواب كنت مش شايفها، ويكون معاك صديق، حبيب، ورفيق حياة… كل ده في شخص واحد، لأن ربنا دايمًا عارف إنت محتاج إيه، وأنت مش دايمًا عارف.
ومش بس كده… أوقات بتلاقي نفسك مستغرب إن اللي كنت فاكره هيكمل معاك مش موجود، أو مش قدر يستحمل حياتك، أو مش مناسب لرحلتك… لكن بعد شوية تكتشف إن ده كان خير… عشان الشخص اللي ربنا مخبيه ليك، الشخص اللي يستحق قلبك، اللي هيفهمك من غير كلام كتير، هيكون موجود وقت ما تحتاجه فعلًا، وهيكون معاك بطريقة تريحك وتخليك تحس بالأمان والسلام اللي نفسك فيه.
ممكن تلاقي قلبك متعلق، ودموعك جايه، وانت مش فاهم ليه الابتعاد ده حصل… لكن صدقني، كل شيء ربنا بيعمله فيه حكمة. الشخص اللي هيدخل حياتك هيكمل معاك رحلة طويلة، هيكون سبب سعادة، سبب نمو، سبب حب حقيقي… ومفيش حاجة هتكون صدفة، كل حاجة محسوبة، وكل خطوة فيها معنى. ساعات الناس بتفكر إن الحب أو الصداقة مجرد لحظات، لكن الحقيقة إن كل لحظة بتعلمك شيء، وكل تجربة بتحميك أو تأهلك للشخص الصح.
والأجمل إن ربنا أحيانًا بيختبر صبرك، بيختبر قلبك، عشان لما الشخص الصح يظهر، تقدر تقدر قيمته، وتستمتع بكل لحظة معاه. الشخص ده مش مجرد شخص عابر… ده اللي هيفتحلك أبواب ما كنتش تعرفها، اللي هيدخلك على حياة أفضل، اللي هيخليك تحس بالطمأنينة والأمان. كل اللي فات قبل ده، كل الفقد، كل الحزن، كان تمهيد للمرحلة دي… عشان لما توصل للشخص الصح، تعرف إن ده اللي ربنا اختاره لك، واللي يناسب قلبك وروحك أكتر من أي حد تاني.
مفيش حاجة في الحياة بتيجي بالصدفة… كل شخص يدخل حياتك ليه دور، كل تجربة، كل ابتعاد، كل انتظار… كله محسوب بدقة، وكل حاجة فيها حكمة. مش كل اللي أنت تحبه هيكون مناسب لك في الوقت الحالي… لكن الشخص اللي ربنا اختاره لك هيدخل حياتك بطريقة مذهلة، بطريقة تخليك تقول لنفسك: “ده اللي أنا كنت محتاجه طول حياتي… وكل اللي فات كان مجرد تمهيد ليه.”
لذلك ماتستغربش… لو اتأخرت عن حد كنت فاكره حبك الحقيقي أو صديق العمر… يمكن ده كان أحسن حاجة حصلت لك. كل ابتعاد، كل تأخير، كل لحظة انتظار، ربنا بيستغلها عشان يجهزلك الأفضل. الشخص اللي هيكون معاك هيبقى حبيبك، صديقك، كل حاجه… لأنه الشخص اللي يناسبك، الشخص اللي ربنا خلقه مخصوص لك.
الدرس الكبير هنا إن ربنا دايمًا بيختار لك الأفضل، وإن كل تأخير أو ابتعاد فيه خير مخفي… كل قلب اتجرح قبل ما يوصل للصح، كل دمعة اتساقت على حيطان الانتظار… كانت بتجهزك للفرحة اللي جاية، للسلام اللي جاية، للشخص اللي يستاهل قلبك… واللي هيخليك تحس إن كل حاجة حصلت قبل ده كان ليها سبب.
